Пасол Беларусі ў Зімбабвэ наведаў дылерскі цэнтр айчыннай тэхнікі

18 чэрвеня 2026 года Надзвычайны і Паўнамоцны Пасол Рэспублікі Беларусь у Рэспубліцы Зімбабвэ Юрый Нікалайчык наведаў дылерскі цэнтр беларускай тэхнікі ў г. Харарэ.

Кіраўнік замежустановы вывучыў асартымент і камплектацыі мадэляў, якія пастаўляюцца, наведаў рамонтныя майстэрні і навучальныя класы для падрыхтоўкі мясцовых спецыялістаў. Азнаёміўся з сістэмай арганізацыі сэрвіснага абслугоўвання, якая ўключае склады для запчастак, сэрвісныя майстэрні ў рэгіёнах Зімбабвэ і мабільныя рамонтныя брыгады.

У гутарцы з кіраўніцтвам дылерскага цэнтра Пасол абмеркаваў перспектыўныя планы працы, каардынацыю ўзаемадзеяння паміж дылерскім цэнтрам і загранустановай.

Візіт таксама быў выкарыстаны для знаёмства прадстаўнікоў зацікаўленых краін-суседзяў Зімбабвэ з беларускай тэхнікай.
 

Версія для друку