Аб удзеле ў 66-й выставе “Zimbabwe International Trade Fair”
25.04.2026 г.23-24 красавіка 2026 г. прызначаны Пасол Рэспублікі Беларусь у Рэспубліцы Зімбабвэ і саветнік Пасольства па гандлёва-эканамічных пытаннях прынялі ўдзел ва ўрачыстай цырымоніі адкрыцця і працы 66-й міжнароднай выставы-кірмашу «Zimbabwe International Trade Fair» (ZITF) у г.Булаваё.
Удзел у ZITF з'яўляецца важным элементам рэалізацыі задач Кіраўніка дзяржавы па пашырэнні беларускіх экспартных магчымасцей у Зімбабвэ і іншых краінах Поўдня Афрыкі.
Беларускі стэнд, арганізаваны пад эгідай УП «Белінтэрэкспа», традыцыйна выклікаў цікавасць у прадстаўнікоў зімбабвійскага кіраўніцтва і бізнес-супольнасці, зацікаўленых у набыцці айчыннай прадукцыі.
Паслом праведзены гутаркі з кіраўніцтвам шэрагу міністэрстваў і ведамстваў Зімбабвэ, абмеркаваны актуальныя пытанні ўзаемадзеяння ў сферах прамысловасці, энергетыкі, сельскай гаспадаркі, адукацыі і маладзёжнай палітыкі, скаардынаваны крокі на бліжэйшую перспектыву.
Дыпламаты таксама наведалі пажарную брыгаду г.Булаваё і азнаёміліся з працай тэхнікі беларускай вытворчасці.
Зімбабвійскі бок высока ацаніў тэхніку, станоўча адзначыў яе аснашчанасць і праходнасць. Падкрэслена, што беларускія пажарныя машыны забяспечваюць істотную эканомію рэсурсаў і спрашчаюць ліквідацыю ўзгаранняў.
Акрамя таго, у рамках выставы падпісаны Мемарандум аб узаемаразуменні паміж Універсітэтам грамадзянскай абароны Міністэрства па надзвычайных сітуацыях Рэспублікі Беларусь і Дзяржаўным універсітэтам прыкладных навук правінцыі Манікаленд.
